O proxecto NACCE busca fornecer o emprendemento TIC na Eurorrexión Galicia-Norte de Portugal - Código Cero - Diario Tecnolóxico de Galicia.




  O noso boletín por e-mail conta xa con 2956 lectores. ¡Subscríbete!
         

 Diario de Novas Tecnolóxicas de Galicia
 En español   |   Novas  |  Gadgets  |  Videoxogos  |  Edición impresa  |  Top 
100
     











Revista en PDF:

Descárgaa xa









 
 

      · O Centro Demostrador TIC celebra o vindeiro 28 de xullo unha xornada 
      sobre a xestión integral de empresas con Software Libre
      · O presidente da Xunta subliña que a nova Lei de cooperativas permitirá a 
      innovación con novas fórmulas, reforzará o seu compromiso social e 
      afondará na súa autonomía e xestión
      · O centro demostrador de Galicia acolle mañá a primeira sesión práctica 
      sobre solucións de almacenamento que melloran a seguridade e flexibilidade 
      dos sistemas de información
      · A Delegación Territorial da Xunta na Coruña xa conta cun servizo de 
      videointerpretación no rexistro xeral que facilitará os trámites ás 
      persoas xordas da provincia
O proxecto NACCE busca fornecer o emprendemento TIC na Eurorrexión Galicia-Norte 
de Portugal
luns 11 de xullo do 2011, por Redacción | | Compartir7 | | A conselleira de 
Traballo e Benestar, Beatriz Mato, presentou hoxe o proxecto NACCE (Núcleo de 
Apoio á Competitividade e a Creación de Empresas TIC), que pretende paliar as 
debilidades do sector TIC na Eurorrexión Galicia-Norte de Portugal, tanto en 
cantidade de empresas, como en competitividade, como en internacionalización, e 
que prolongarase ata o 31 de decembro de 2012, para o que conta cun orzamento de 
1,18 millóns de euros co financiados por fondos FEDER.
NACCE aposta pola creación dun núcleo de cooperación entre todos os axentes 
implicados no sector, para estimular a aparición de novas iniciativas 
empresariais, aumentar a competitividade das empresas existentes, e, 
consecuentemente, dinamizar o emprego. Entre os seus obxectivos están promover a 
economía do coñecemento, favorecer a xeración e a transferencia de profesionais 
cualificados e coñecemento a ambos lados da fronteira, superar a especialización 
produtiva desta zona nos sectores tradicionais, fomentar a internacionalización, 
a competitividade e o emprego, e impulsar a transferencia tecnolóxica entre as 
universidades e as empresas do sector.


  Beatriz Mato presentou esta mañá o proxecto NACCEO proxecto liderado pola 
Consellería de Traballo e Benestar (en colaboración con AGESTIC, a Cámara de 
Comercio, Industria e Navegación de Vigo, a Universidade de Vigo, a Asociación 
Empresarial AIMINHO e a Asociación Centro de Computación Gráfica de Portugal) 
vai permitir a formación e asesoramento a 150 PEME no desenvolvemento de 
proxectos comúns, a formación doutros 150 emprendedores e 50 empresas en materia 
de posta en marcha dunha actividade TIC ou de novas liñas de negocio, a posta en 
marcha de varias ferramentas para difundir o coñecemento e asesoramento nesta 
materia e a celebración de 20 mesas de traballo sobre a creación de empresas 
TIC.
NACCE consiste nunha plataforma colaboradora para a creación de empresas TIC, 
unha rede composta por socios e colaboradores que potenciarán a formación e 
asesoramento de PEME transfronteirizas co fin de ampliar a cifra de negocios e 
impulsar o seu crecemento, para o que crearase unha rede baseada en tecnoloxías 
web 2.0, que actuará como catalizador para o avance do sector ofrecendo os 
apoios e ferramentas necesarios para a internacionalización, o fomento do 
espírito empresarial e a orientación para implantar novas iniciativas.
 

Grupo Código Cero Comunicación, S.L.
Rúa Conxo de Arriba 49- 1 C
15706 Santiago de Compostela
Teléfono-fax:981 53 02 68
redaccion@codigocero.com  RSS